TR802R - ES-Transforma.
PARA QUE É A AXUDA/SUBVENCIÓN
Este programa ten como finalidade apoiar á creación de cooperativas ou sociedades laborais, por ser un modelo económico que xera emprego estable e de calidade, unha maior vinculación co territorio e unha mellora no benestar social, nos seguintes supostos:
- No caso de ausencia de remuda xeracional, cando as persoas desempregadas que traballaban nunha sociedade que non ten remuda xeracional por xubilación ou crise económica e constitúan unha cooperativa ou unha sociedade laboral;
- Fomentar a unión en cooperativa ou sociedade laboral de persoas autónomas con experiencia que acadarían así unha maior seguridade, fortaleza económica e financeira, ademáis de incrementar a súa carteira de clientes e mellorar a súa solvencia.
- Fomentar que as persoas traballadoras que decidan asumir a titularidade da empresa na que traballan a través dunha destas fórmulas de economía social, achegando á xestión da mesma o seu coñecemento especializado na actividade económica , o que permitirá facela máis sustentable no tempo.
- Fomentar que todo tipo de sociedades se transformen en cooperativa ou SSLL por tratarse dun modelo de negocio máis sustentable no tempo, resiliente, solidario e cunha organización democrática, onde a prioridade son as persoas e os obxectivos sociais.
Xunta de Galicia
Consellería de Promoción do Emprego e Igualdade
Secretaría Xeral de Apoio ao Emprego, Traballo Autónomo e Economía Social
San Lázaro, s/n
15707 Santiago de Compostela (Coruña, A)
Teléfono: 981544784
Email: economiasocial.emprego@xunta.gal
QUEN PODE SOLICITALA?
As sociedades laborais ou cooperativas.
QUE PRAZO HAI PARA FACELO?
PECHADO
01/06/2023 - 15/09/2023
1. O prazo de presentación de solicitudes comezará a partir do día seguinte ao da publicación desta orde no Diario Oficial de Galicia e rematará o 15 de setembro de 2023, agás que se produza o suposto de esgotamento do crédito.
2. No suposto de que antes de finalizar o prazo de presentación de solicitudes se esgotase o crédito establecido na convocatoria, o órgano concedente acordará a inadmisión de solicitudes e publicará tal circunstancia no Diario Oficial de Galicia e na páxina web da Consellería.
As subvencións
máis actuais